Les mots surlignés font l'objet d'une note
1Monsieur, jay receu les lettres quil vous a pleu mescripre et veu ce
2que mavez escript pour le filz de feu monsieur de La Mairye, lequel pour
3ma vye, il trouvera que je le trecterèz myeulx que cy estoyt mon
5parent bien proche. Au demeurent, je nay peult partyr de ce lieu avent
6ce jourt pour raison que les souldas que javoys à Gabt ne sont
7veneus que iert. Messieurs du peys mont poyés pour unne semaipne
8qui monte deulx cens vingt livre. Avent que partyr, jay poyer tout
9ce que mes souldas debvoynt et comme jay pryer le premyer conse
10avent que ma compaignie soyt sortye voyr par le quartier, cy quelqun
11ce plainderèt ou demanderèt aulcune chose, daventaige, jay faict
12offre à messieurs du peys que laouh il vouldrèt et de telle manyère
13quil leur serèt agreable, je mobligerès de largent que jay receu
14deulx et prometerès le rendre au sieur du Chatelars qui e[s]t en court,
15et quil nont voullu, je vous suplye bien humblement me tenir honorer
16que de croyre que en tous les lieulx que je saurès jamays estre, je
17vous serès aussy affectionné serviteur que celluy qui ce resoudra
18de nespargner ça vye ne ces moyens pour vous faire affectionné
19service, me recommendant très humblement à votre bonne grase, suplyent
20Dieu vous donner en bonne santez
21monsieur, très heureuse et très longue vye. De Grenoble, ce VIeme
22septembre 1570 [sic]
23votre très hafectionné serviteur
24de thomassin